ព័ត៌មាននិងព្រឹត្តិការណ៌ | ទំនាក់ទំនង | ភ្ជាប់ទៅកាន់វេបសាយផ្សេងៗ
 
 

 

 

ដំណើរទស្សនកិច្ចរបស់លោកជំទាវនាយករដ្ឋមន្ត្រី នេប៉ាល់

ថ្ងៃទី ១៤ ខែ ឧសភា ឆ្នាំ២០១៩

នារសៀលថ្ងៃទី១៤ ខែឧសភា ឆ្នាំ២០១៩នេះ សាកលវិទ្យាល័យភូមិន្ទវិចិត្រសិល្បៈត្រូវបានផ្តល់កិត្តិយសដោយរាជរដ្ឋាភិបាលកម្ពុជាទទួល​​ស្វាគមន៍​ ដំណើរទស្សនកិច្ចរបស់លោកជំទាវ រ៉ាឌីកា សាក្យា ភរិយាឯកឧត្តម ខេ ភី សាម៉ា អូលី នាយករដ្ឋមន្ត្រី នេប៉ាល់ អមដំណើរដោយសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុន សែន និងមន្រ្តីជាន់ខ្ពស់ជាតិ និងអន្តរជាតិជាច្រើនរូបទៀត។

នាដំណើរទស្សនកិច្ចនេះ ភ្ញៀវកិត្តិយសបានទស្សនាការបង្ហាញស្នាដៃនិស្សិតរបស់មហាវិទ្យាល័យនីមួយៗ និងទស្សនាការសម្តែងសិល្បៈរបស់សិស្ស សាលាមធ្យមវិចិត្រសិល្បៈ។

 

 

 

 

 

 

 

 

 

 

 

 

 

 

 

 

---------------------------------------------------------------------------------------------------------------------------------------

 

ដំណើរទស្សនកិច្ច របស់លោកបណ្ឌិតហេង សុផាឌី សាកលវិទ្យាធិការស្តីទីនៃសាកលវិទ្យាល័យភូមិន្ទវិចិត្រសិល្បៈ នៅប្រទេសអេស្ប៉ាញ

ថ្ងៃទី ២៣ ខែ មេសា ឆ្នាំ២០១៩

កាលពីថ្ងៃទី២៣ ដល់២៨ ខែមេសា ឆ្នាំ២០១៩ លោកបណ្ឌិត ហេង សុផាឌី សាកលវិទ្យាធិការស្តីទី នៃសាកលវិទ្យាល័យភូមិន្ទវិចិត្រសិល្បៈបានដឹកនាំ គណៈប្រតិភូរបស់សាកលវិទ្យាល័យធ្វើទស្សនកិច្ច ប្រទេសអេស៉្បាញ ដើម្បីជួបប្រជុំពិភាក្សាជាមួយស្ថាប័នអប់រំនានាក្នុងន័យបង្កើតកិច្ចសហប្រតិបត្តិការ ជាមួយគ្នា។ គណៈប្រតិភូបានជួបពិភាក្សាការងារជាមួយថ្នាក់ដឹកនាំរបស់មហាវិទ្យាល័យវិចិត្រសិល្បៈ នៃសាកលវិទ្យាល័យវីហ្គោ សាលាជាន់
ខ្ពស់ផ្នែក អភិរក្សនិងជួសជុលវត្ថុសិល្បៈនៃទីក្រុងប៉ុងតេវ៉េដ្រា សាលាជាន់ខ្ពស់ផ្នែកអភិរក្សនិងជួសជុលវត្ថុសិល្បៈនៃរាជធានីម៉ាឌ្រីដនិងស្ថាប័ន អប់រំមួយចំនួនទៀត។
គោលបំណងសំខាន់នៃដំណើរទស្សនកិច្ចនេះគឺដើម្បីពិភាក្សាអំពីការបញ្ជូនមន្រ្តី សាស្ត្រាចារ្យ និង និស្សិតមកហ្វឹកហាត់ ហាត់ការ និងសិក្សារយៈពេល ខ្លីនៅតាមស្ថានប័នអប់រំនានានៅប្រទេស អេស៉្បាញ។

ដូចគ្នានេះដែរ សាស្ត្រាចារ្យជំនាញនៅប្រទេសអេស៉្បាញនឹងទៅបង្រៀននៅសាកលវិទ្យាល័យភូមិន្ទ វិចិត្រសិល្បៈចាប់ពីឆ្នាំសិក្សាបន្ទាប់តទៅ។

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

អត្ថបទ៖  ញាណ សុជាតិ